(637)          '-. ...         SOUS LE RÈGNE DE CHARLES VI.                            397
ses diz biens immeubles, tant qu'elle vivra, et des biens meubles, c'est assavoir, de leur part leur faire ou faire faire pleine delivrance sans empescbement, premierement, pour paier et acomplir ce present testa­ment par la dicte Jehanne, sa femme, et autres ses executeurs cy des­soubz nommez, et aussi qu'elle les vueille acquicter envers ses enfans, envers lesqueîx le dit testateur n'est en riens tenu, si non à cause du mariage de lui et d'elle, durant lequel il leur a fait le moins de des­plaisir qu'il a peu; et quelque chose qu'il soit, il supplie à elle et ses diz parens et amis d'estre amis et de non plaider ensemble, et que chascun se mette à raison et laisse aler du sien, car il disoit savoir quant il la print, qu'elle avoit bonne Chevance en denrées de mercerie où s'est pou cogneu et entremis; aussi avoit elle pluseurs choses à expedier par procès qui au dit testateur ont cousté de peine, travail, soussi et Chevance plus qu'elle n'a sceu ne scet; et oultre que, quant il l'espousa, ses biens meubles valoient bien six cens livres Parisis et plus, sans les debtes qui lui estoient deues, qui memtoient plus de mc frans, dont il n'est pas paié, et si avoit et a d'eritages qui valent nuc livres Pa­risis et plus pour une fois, se le temps eust esté bon comme il sera au plaisir de Dieu, et tout compté et rabatu, elle avoit bien de quov vivre, aussi avoit le dit testateur; et ce qu'il a dit cy dessus n'est mie pour reprouclier, mais pour ung [tou sentir de l'estat de l'un et de l'autre, se mestier estoit de le dire et savoir, ce qu'il ne sera point de besoing.
Item, le dit testateur laissa à l'euvre de l'eglise Saincte Katherine du Val des Escoliers vin solz Parisis pour une fois.
Item, à la confrarie d'icelle eglise de Saincte Katherine viii solz Parisis.
Item, il laissa à la confrarie de Saint Pierre et Saint Pol en la des­sus dicte eglise du Sepulcre de Paris, dont il est l'un des maistres et confreres, xl solz Parisis pour unefoiz, parmi ce qu'ilz feront dire unes vigiles à iii pseaumes et à iu leçons, et une messe à diacre et à soubzdiacre des Trespassez en la chapelle du ditlieu, et si vendront sut-la fosse du dit testateur, se il y est enterré, et la dire ce que bon leur semblera.